BMM2026 Seattle
📅 6-9 August, 2026
Seattle Convention Center | Arch Building
705 Pike St, Seattle WA 98101📍
With gratitude to our donors!
💥 बीएमएम२०२६ कार्यक्रम 💥
🎤 प्रमुख वक्त्या – डॉ. माधुरी कानिटकर
- पहिल्या मराठी सेवा-निवृत्त लेफ्टनंट जनरल. भारतीय सेनेतील सर्वोच्च शिखरांपासनू ते विद्यापीठाच्या नेतृत्वापर्यंतचा त्यांचा प्रवास अत्यंत प्रेरणादायी आहे. त्यांचे विचार, अनभुव, आणि नेतृत्वकथा सर्वांसाठी मार्गदर्शक ठरणार आहेत.
🎭 मराठी नाटक – ‘ऑल दि बेस्ट’
- ऑल दि बेस्ट, करमणुकीसाठी आंधळेपणाने विश्वास टाकावा असे, असंख्य प्रेक्षकांच्या मनात घर केलेले सुपरहिट नाटक आता पाहायला मिळणार आहे BMM2026 Seattle मध्ये! अशा भन्नाट आणि बेस्ट moments अनुभवायला हे धमाल नाटक चुकवू नका. आपल्या कुटुंबासह आणि मित्रांसह या आणि भरपूर हास्य, मनोरंजन आणि रंगमंचाचा जादू अनुभवायला तयार रहा! BMM अधिवेशनात भारतातनू येणाऱ्या मराठी नाटकाचे चार वर्षांनंतर पुनरागमन होत आहे!
🎶 सांगीतिक कार्यक्रम – ‘The Folk आख्यान’
- ३०+ कलाकारांनी सादर केलेला, महाराष्ट्राच्या मातीतील अस्सल लोककला, परंपरा आणि सुरेल संगीताचा एक अभूतपूर्व, अद्वितीय सांस्कृतिक प्रवास.
📜 माय मराठीचा गौरव
- गोष्ट इथे संपत नाही: शिवआख्यान! मराठ्यांच्या गौरवशाली इतिहासातील शौर्य, धैर्य, आणि चातुर्याचे प्रभावी कथाकथन.
- मधुरव – बोरु ते ब्लॉग – प्रमुख कलाकार मधुरा वेलणकर-साटम. या कार्यक्रमात दृक्-श्राव्य माध्यमातून मराठी भाषेचा इतिहास, साहित्य, सौंदर्य, सामर्थ्य, आणि तिची उत्क्रांती अत्यंत रंजक व प्रभावी पद्धतीने उलगडून दाखवण्यात येणार आहे.
🎶🎤🎸 संगीत रजनी
- आरती अंकलीकर-टिकेकर आणि रघुनंदन पणशीकर – शास्त्रीय संगीत व नाट्यसंगीताची सुरेल मैफल.
- अविनाश–विश्वजीत आणि निलेश मोहरीर – नव्या उमेदीच्या संगीतकारांचा धमाकेदार संगीत सोहळा.
- मस्तीची मधली सुट्टी – सादरकर्ते: पारितोषिक विजेते, प्रख्यात संगीतकार, आणि गायक डॉ. सलील कुलकर्णी, खास मुलांसाठी!
- कँडल लाईट कॉन्सर्ट विथ शुभंकर कुलकर्णी – भाषा बदलतात, पण सूर तोच राहतो. युवा पिढीसाठी खास, ऊर्जेने भरलेला कार्यक्रम!
🎙️ मान्यवर वक्त्यांचे विचार
- अविनाश धर्माधिकारी – स्वातंत्र्यानंतर १०० वर्षांनंतरचा भारत
- डॉ. आनंद नाडकर्णी – फुल टेन्शन ते कूल टेन्शन
- निलेश ओक – वेदकालीन भारत
- डॉ. संजय उपाध्ये – घर करा रे प्रसन्न
🎨 कलास्पंदन कलादालन
- आंतरराष्ट्रीय स्तरावर प्रसिद्ध व पुरस्कार विजेते चित्रकार सुचित्रा भोसले आणि प्रमोद कुर्लेकर: प्रात्यक्षिके आणि कलाकारासोबत संवाद – कॅनव्हासच्या पलीकडून या विशेष कार्यक्रमासाठी उपस्थित राहणार आहेत. अधिक माहितीसाठी: bmmseattle2026.org/kalaspandan-artgallery.
🇺🇸 उत्तर अमेरिकेतील कार्यक्रम
- संगीत वस्त्रहरण (राली) – मालवणी भाषेचा ठसका आणि विनोदाची तुफान आतषबाजी असलेले लोकप्रिय नाटक.
- मोगरा फुलला (लॉस अँजिलिस) – थोर साहित्यिक गो. नी. दांडेकरांच्या शब्दांना उजाळा देणारे एक भावस्पर्शी दृक्-श्राव्य वाचन.
- हसूबाई जोरात (बे एरिया) – ११ महिला कलाकारांच्या टायमिंगने सजलेली ‘स्टँड-अप कॉमेडी’.
- सत्यजित लिमये प्रस्तुत वाद्यसंगम (सिॲटल) – २५ वादकांच्या ताफ्यातून उमटणारा सुरांचा आणि तालांचा दिव्य नाद.
- एकांकिका स्पर्धा ‘नाटयसृजन’: ३ सर्वोत्कृष्ट एकांकिका.
- डॅलस, अटलांटा, सॅन डियेगो, युटाह, कोलंबस, व फिनिक्स येथील ६ नामांकित ढोल-ताशा पथकांचा जल्लोष!
- पोर्टलंड, शिकागो, न्यू जर्सी, ऑस्टीन, बॉस्टन, आणि वॉशिंग्टन डी.सी. येथील कलाकारांचे विविध कार्यक्रम.
🌟Register NOW!
🌟Donations
🌟Follow us on social media for the latest updates, exclusive promotions, event announcements, and much more!
💡 Follow us on Instagram
संगीत रस-सुरस.. Only at BMM convention 2026 in Seattle!
#bmm2026seattle #indianclassicalmusic #marathifestival #marathicanada
नाट्यसृजन एकांकिका स्पर्धा प्राथमिक फेरीचे निकाल.. सर्व सहभागींचे अभिनंदन!
#bmm2026seattle #marathi #marathiekankika #marathiusa #marathifestival
असा शो बघितलाय कधी ? The folk Akhyan.. अमेरिकेत पहिल्यांदाच BMM २०२६ अधिवेशनात!
#bmm2026seattle #marathiusa #marathicanada #thefolkakhyan #marathiprogram
संगीत रस-सुरस! शास्त्रीय, उपशास्त्रीय आणि सुगम संगीताची सुरेल मेजवानी!
#bmm2026seattle #indianclassicalmusic #mararhi #marathiusa #marathifestival
💡 Follow us on Facebook
🚀 For the first time ever in America… a cultural wave arrives! 🇺🇸✨ 🎭 Folk Akhyan मराठी संस्कृतीचा आत्मा, आता जागतिक मंचावर! From the powerful Powada to the soulful Abhang, from energetic Lavani to meaningful Bharud — this is not just a performance… it’s a living tradition ❤️ 📍 BMM Convention, Seattle ⏰ Don’t miss this historic experience 🌟 पहिल्यांदाच अमेरिकेत — अस्सल मराठी लोकसंस्कृतीचा अद्भुत सोहळा! A vibrant celebration of Maharashtra’s heritage, stories & rhythms, brought alive by passionate young artists 🎶 🔥 Special Discount Offer valid till 1st May! 🎟️ Book your seats now: https://bmmseattle2026.org/register #BMM2026Seattle #FolkAkhyan #LokAkhyan #BMMSeattle #MarathiCulture #ProudMarathi #Bmm
💡 Follow us on YouTube
BMM 2026 - The Folk Akhyan
BMM2026 - Theme Song Trailer
BMM2026 - The Folk आख्यान
BMM2026 - संगीत रस-सुरस!
BMM2026 - KalaSpandan - Pramod Kurlekar
BMM2026 - The Folk आख्यान
BMM2026 Swarmanch Update - Dr. Saleel Kulkarni
BMM2026 - Avinash-Vishwajeet
BMM2026 - Nilesh Moharir
BMM2026 - Jallosh 2.0 - Nilesh Moharir and Avinash-Vishwajeet Live-in Concert!
BMM2026 - गोष्ट इथे संपत नाही
BMM2026 - स्वरमंच - श्री. सलील कुलकर्णी
✨हार्दिक निमंत्रण | Warm Invitation✨
श्री. मोहित चिटणीस – प्रमुख संयोजक (Convener), BMM2026
नमस्कार!
मला सांगण्यास अत्यंत आनंद होतो आहे की बृहन्महाराष्ट्र मंडळ, उत्तर अमेरिका (BMM) ने सिॲटल महाराष्ट्र मंडळाची (SMM) २०२६ मधील BMM अधिवेशनाचे यजमान मंडळ म्हणून निवड केली आहे. १९ वर्षांनंतर हे अधिवेशन पुन्हा सिॲटल येथे ऑगस्ट ६ ते ९, २०२६ या कालावधीत Seattle Convention Center मध्ये होणार आहे.
२०२४ च्या जून महिन्यात सॅन होजे, कॅलिफोर्निया येथे पार पडलेल्या BMM च्या द्वैवार्षिक अधिवेशनात ही अधिकृत घोषणा करण्यात आली. या मोठ्या घोषणेनंतर, SMM च्या २०२४ च्या कार्यकारी समितीने (EC) आणि विश्वस्त मंडळाने (BOT) सर्वप्रथम अधिवेशनाच्या प्रमुख संयोजकांची (Convener) नियुक्ती केली. त्यानंतर मुख्य समिती (Core Committee) तयार केली. मुख्य समितीच्या निवडीनंतर, प्रत्येक संचालन समितीसाठी (Steering Committee) समिती-अध्यक्ष आणि सह-अध्यक्ष (Chair and Co-Chair) निवडण्याचे काम सुरु झाले. सध्या आपल्या संचालन समितीत ३१ समित्यांसाठी सुमारे ५५–६० अध्यक्ष आणि सह-अध्यक्ष नियुक्त झाले आहेत.
या अधिवेशनाबाबत सिॲटल आणि आसपासच्या परिसरातील अनेक मराठी कुटुंबांमध्ये खूप उत्साह पाहायला मिळतो आहे, आणि २०० हून अधिक स्वयंसेवकांनी या समित्यांमध्ये सामील होण्यासाठी नोंदणी केली आहे. BMM ही महाराष्ट्राबाहेरील सर्वात मोठी मराठी संस्था आहे, आणि तिचे अधिवेशन आपल्या शहरात होणे ही सिॲटल साठी एक मोठी संधी आणि सन्मानाची बाब आहे.
आपण सर्वजण एकत्र येऊ आणि हे अधिवेशन यशस्वी करू या. उत्तर अमेरिका तसेच जगभरातून येणाऱ्या मराठी बांधवांना एक अविस्मरणीय अनुभव देऊ या!
जय महाराष्ट्र! जय भारत! God Bless America!
श्री. मोहित चिटणीस – प्रमुख संयोजक (Convener), BMM२०२६
श्री. प्रसाद पानवळकर – अध्यक्ष, बृहन्महाराष्ट्र मंडळ (२०२४-२०२६)
नमस्कार!
बृहन्महाराष्ट्र मंडळाचे अधिवेशन हा एक अवर्णनीय सोहळा असतो. मी आत्तापर्यंत पाच अधिवेशनांना उपस्थिती लावली आहे आणि प्रत्येक वेळी मला छान अनुभव आले आहेत.
एका छताखाली चार ते पाच हजार मराठी माणसे बघायला मिळणे हाच एक सुखावह अनुभव असतो आणि त्यातून तीन दिवस मराठी खाणे, दर्जेदार कार्यक्रम, मित्रमंडळींच्या गाठीभेटी, नव्या ओळखी, जमल्यास काही कलाकारांबरोबर फोटो आणि गप्पा … अजून काय पाहिजे?
लहान मुलांपासून ते ज्येष्ठ नागरिकांपर्यंत, तसेच व्यावसायिकांपासून ते उत्तर अमेरिकेतील हौशी कलाकारांपर्यंत, सर्वांना सामावून घेणारे असे हे अधिवेशन – हा विलक्षण अनुभव घेतल्यावर अधिवेशनाच्या प्रेमात नाही पडाल तर नवलच.
जर तुम्ही बृहन्महाराष्ट्र मंडळाचे अधिवेशन अनुभवले नसेल तर ऑगस्ट २०२६ ला नक्की सिॲटल येथे या. तुम्हाला भेटायला तसेच तुमचे स्वागत करायला मी उत्सुक आहे. तुम्हाला सस्नेह निमंत्रण!
श्री. प्रसाद पानवळकर – अध्यक्ष, बृहन्महाराष्ट्र मंडळ (२०२४-२०२६)
श्री. संतोष साळवी – खजिनदार, बृहन्महाराष्ट्र मंडळ (२०२४–२०२६)
नमस्कार!
२०१३ मध्ये न्यू इंग्लंड मराठी मंडळाने जेव्हा BMM अधिवेशन आयोजित केलं होतं, तेव्हा मला दोन वर्षं तयारी, नियोजन आणि अंमलबजावणीत सहभागी होण्याची संधी मिळाली. त्या चार दिवसांत जगभरातून आलेल्या ४,००० हून अधिक मराठी बांधवांचा उत्साह अनुभवणं खरंच अविस्मरणीय होतं. तेव्हापासून आम्ही दोघं—मी आणि माझी पत्नी—BMM अधिवेशनाचे पक्के चाहते झालो आहोत. दरवेळी आमच्यासोबत ८–१० कुटुंबांचाही छानसा ग्रुप असतो, आणि हा प्रवास आमच्यासाठी नेहमीच खास ठरतो.
आम्हा सगळ्यांना अधिवेशनात मराठी चविष्ट जेवण, भारत आणि उत्तर अमेरिकेतील सुंदर कार्यक्रम, आणि सर्वांत महत्त्वाचं म्हणजे—जगभरातील मराठी बांधवांशी गप्पा मारत त्यांच्या यशोगाथा ऐकण्याचा आनंद मिळतो.
यंदा तुम्हा सर्वांना मनापासून आमंत्रण आहे—ऑगस्ट २०२६ ला सिॲटल अधिवेशनाला नक्की या!
- तिथलं आल्हाददायक हवामान
- अप्रतिम मराठी खाद्यपदार्थ
- BMM चे वेगवेगळे उपक्रम
- व्यापार परिषद (B-CONNECT)
- सांस्कृतिक कार्यक्रमांचा रंगतदार मेळा
सगळंच तुम्हाला नक्की भावेल.
आमचे सर्व स्वयंसेवक मनापासून मेहनत घेत आहेत, आणि आम्हाला खात्री आहे की हा अनुभव तुमच्या आयुष्यातील एक सुंदर आठवण बनेल.
मग ठरलं—सिॲटल २०२६ अधिवेशनात आपण सगळे भेटूच! 🌺
आपला,
श्री. संतोष साळवी – खजिनदार, बृहन्महाराष्ट्र मंडळ (२०२४–२०२६)
श्री. नितीन जोशी – विश्वस्त समिती, बृहन्महाराष्ट्र मंडळ (२०२४-२०२६)
नमस्कार!
बृहन्महाराष्ट्र मंडळाचं अधिवेशन हा एक अविस्मरणीय अनुभव असतो. मराठी भाषा, संस्कृती आणि कला ह्यांचा त्रिवेणी संगम इथे घडून येतो. मित्रांच्या भेटी, सर्व वयोगटातल्या प्रेक्षकांसाठी भरपूर मनोरंजन आणि अस्सल मराठी सुग्रास भोजन! ऑगस्ट ६-९, २०२६ रोजी सिॲटल मध्ये हे बाविसावं अधिवेशन संपन्न होणार आहे. २००७ सालानंतर १९ वर्षांनी सिॲटल-कर पुन्हाएकदा आपल्या सर्वांच्या स्वागतासाठी सज्ज झाले आहेत. अमाप उत्साह, कुशल नेतृत्व आणि अभिनव तंत्रज्ञ घेऊन हा सोहळा संपन्न करण्यासाठी २०० हून अधिक स्वयंसेवक सज्ज झाले आहेत.
आपल्या मातृभूमीपासून हजारो मैल दूर असलेल्या आपल्या कर्मभूमीत विखुरलेल्या सर्व मराठी बांधवांची एकजूट इथे अनुभवता येते. चार दिवस चालणारा हा उत्सव म्हणजे एक पर्वणीच असते. उत्तररंग, रेशीमगाठी, बी-कनेक्ट हे बृहन्महाराष्ट्र मंडळाचे उपक्रम, उत्तर अमेरिकेतल्या आणि भारतातल्या कलाकारांचे विविध गुणदर्शनाचे कार्यक्रम, विद्वानांची व्याख्याने, सामाजिक कार्याचा गौरव हे सर्व इथेच प्रकाशित होतं.
चला तर मग मंडळी २०२६ मध्ये अधिवेशनाला अवश्य या. आपल्या नात्यांची वीण दृढ करूया, नवीन नाती आणि स्नेह संपादन करूया. हे सर्व तुमच्याचसाठी घडवून आणणाऱ्या सिॲटल-वासीयांचं मनोगत कविवर्य सुधीर मोघे ह्यांच्या शब्दात सांगतो,
“लखलखणारे हे तारांगण झुकून खाली येईल पळभर तुझियासाठी
सुरलोकीचा कल्पतरूही ह्या मातीतुन रुजून येईल तुझियासाठी”
श्री. नितीन जोशी – विश्वस्त समिती, बृहन्महाराष्ट्र मंडळ (२०२४-२०२६)
