मराठी चित्रपटसंगीताच्या सुवर्णकाळाला उजाळा देणारी, दिग्गज पार्श्वगायकांच्या अजरामर सुरांना वाहिलेली संगीतमय मानवंदना म्हणजे ‘भावांजली’!

प्रेम, विरह, आनंद, भक्ती आणि जीवनातील असंख्य भावछटा स्वरबद्ध करणारी, पिढ्यान्‌पिढ्या रसिकांच्या मनावर अधिराज्य गाजवणारी हिंदी व मराठी चित्रपटसृष्टीतील निवडक गाणी रसिकांना आठवणींच्या सुरेल प्रवासावर घेऊन जातील.

आपल्या वैशिष्ट्यपूर्ण गायकीने प्रशांत दामले, ऋषिकेश रानडे आणि नेहा वर्मा ही लोकप्रिय कलाकारत्रयी या सदाबहार गीतांना नव्याने उजाळा देईल. त्यांच्या सादरीकरणाला सत्यजित प्रभू आणि त्यांच्या वाद्यवृंदाची समर्थ साथ लाभणार आहे.

बँक्वेटच्या प्रसन्न वातावरणात रंगणारी ही मैफल म्हणजे परिचित सुरांशी पुन्हा एकदा जुळणारे नाते, मनात दडलेल्या आठवणींना मिळालेली सुरांची साथ आणि भारतीय चित्रपटसंगीतातील महान कलाकारांना वाहिलेली भावपूर्ण ‘भावांजली’!